स्थानीय तहलाई स्वतन्त्र किन बनाउने ?

१. स्थानीय निकायमा अध्ययन, इमान्दारी र योजना भएका स्वतन्त्र व्यक्ति आएमा मात्र सबैको साझा जनप्रतिनिधि भएर काम गर्न सक्छ ।

२. मेरिटोक्रेसी अर्थात योग्यताको अग्राधिकारलाई स्थापना गर्छ । राजनीतिक दलको सदस्य भएको समय जनप्रतिनिधि हुने योग्यता हुँदै होइन भन्ने मान्यता स्थापना हुन्छ ।

३. राजनीतिक दललाई खुल्ला संस्था (ओपन फोरम) को रुपमा विकसित गर्न सहयोग गर्छ । योग्य र इमान्दार व्यक्ति जुनसुकै समयमा राजनीतिमा लाग्न र उम्मेदवार हुन सक्छ भन्ने जनविश्वास विकास हुन्छ ।

४. कार्यकर्ता व्यवस्थापन र भागबण्डाको राजनीतिले जीर्ण बनाएका सामाजिक संस्थाहरू पुनर्जीवित हुन सक्छन् । शिक्षा, स्वास्थ्य, खेलकुद लगायतका संस्थामा राजनीतिक हस्तक्षेप कम हुन्छ र यिनले पारदर्शी काम गर्न सक्छन् ।

५. समाजको अति सानो एकाई अर्थात् वडा हुँदै टोल सुधार समितिसम्म घुसेको राजनीतिक विभाजनलाई रोक्छ । सामाजिक एकतालाई स्थापित गर्छ ।

६. कार्यकर्ता व्यवस्थापन गर्ने पर्ने राजनीतिक दलको बोझ र दायित्व कम गराउँछ । प्रादेशिक र संघीय जनप्रतिनिधिलाई नीति निर्माण र अनुगमनमा मात्रै केन्द्रित हुन पाउने अवसर दिन्छ ।

७. दलीय संरक्षणमा जनप्रतिनिधिबाटै हुने भ्रष्टाचार र अनियमितता निर्मुल हुन्छ । कदाचित भैहालेमा स्वतन्त्र निर्वाचित जनप्रतिनिधिलाई कारवाही गर्न सजिलो हुन्छ ।

स्थानीय निर्वाचन राजनीतिक 'आस्था'को बिषय होइन । यो त जनसेवा (डेलिभरी) को बिषय हो । सामाजिक एकताको बिषय हो ।

जुनसकै राजनीति दल वा विचारमा आस्था राखुहोस् तर आउनुस् यसपटक 'अटेर' गरौं !

सोच बदलौं, परिवर्तन सम्भव छ ।